Nag-aabang, nanabik, umaambon man ay
hindi nagpapigil ang mga taong nakahandang manuood at sumporta sa isang
basketball game. Ito ay hindi laro ng Philippine Basketball Association (PBA),
University Athletic association of the Philippines (UAAP) o ng National
Collegian Athletic Academy (NCAA). Sa pagbubukas ng mga pintuan malakasna
hiyawan at palakpakan ang isinalubong ng mga manunuood sa mga kalahok sa inilunsad
na kauna-unahang UNTV Cup sa Smart-Araneta Coliseum noong Hulyo 29. Pinuno ng
mga taga suporta ng proyekto ang loob ng coliseum, samantala, nagpasimula ang
programa sa pag-awit ng National anthem ni Birit Baby Runner Up 2009 Shane
Velasco. Sinundan naman ito ng pagpapakilala at Ceremonial Parade ng pitong
koponan na mula sa iba’t-ibang sangay ng
pamahalaan kasama ang ilang mga sikat na artista.
photo courtesy of DanielRazon.com
Ang pitong koponan na maglalaro ay ang
Armed Forces of the Philippines (AFP), Department of Justice (DOJ), Philippine
National Philippines (PNP), Supreme Court (SC), Metro Manila Development
Authority (MMDA), Congress/LGU at PhilHealth. Samantalang mayroon namang mga
artistang kalahok din sa bawat koponan na sina Emilio Garcia, James Blanco, Allen
Dizon, Jordan Herera, Onyok Velasco, John Hall, Eric Fructuoso, Jao Mapa,
Michael Flores, Ervic Vijandre, at ang magkakapatid na Kier, Zoren at Brandon
Legaspi. Ang sistema ng liga ay ang tinatawag na “Round Robin Eliminations”
dito ang bawat koponan ay makakalaban ang pitong teams. Ang tatlo na may
pinakamababang iskor ay matatangal at ang apat na may pinakamataas ang siyang
makakasama sa Semi-finals round at ang may dalawa namang pinakamataas na iskor
sa apat ang maglalaro para sa kampeonato ng UNTV Cup na gaganapin sa Nobyembre.
Ang kampeon ay makakatanggap ng 1 Milyon piso at ang runner-up ay may 500,000
na hindi naman mapupunta sa mga players kundi sa kanilang charitable
institutions na kanilang mapipili. Kaugnay nito, sa pagsisimula ng laro sa
Araneta sa pamamagitan ng pagbunot ng mga pangalan ng mga koponan at ang
dalawang napili na maglalaro ay ang team AFP at DOJ. Pinangunahan naman ni Mr.
Public Service Kuya Daniel Razon at PBA legend Atoy Co, Commissioner ng palaro
ang Ceremonial Jump ball sa pagitan ng AFP at DOJ. Sa 1st quarter ng
laro malaki na ang lamang ng AFP sa iskor na 33/16, hanggang sa ikatlong round
ay nanguna sila at nakapuntos ng 86/49. Malakas ang hiyawan ng mga tao ng
“depensa” subalit, naipanalo ng AFP ang laro kontra DOJ sa 117/71 na iskor.
Ang UNTV Cup ay isa lamang sa
proyektong inilunsad UNTV sa pangunguna ni Kuya Daniel Razon katuwang ang grupo
ng Ang Dating Daan at si Bro. Eli Soriano, Presiding Minister ng Members Church
of God International (MCGI) na ang pangunahing layunin ay makatulong sa kapwa.
Bagaman, pawisan, madapa at mapagod ang mga manlalaro, naglalaro sila hindi
para sa kanilang mga sarili ang 1 Milyon piso kundi sa pagkaalooban nila ng mga
charities. Gayundin naman, naglulunsad ng mga ganitong proyekto sila Bro. Eli
at Kuya Daniel hindi dahil mayroon silang kikitaiin o pakikinabangan kundi
dahil nais nilang makatulong. Sa isang banda, hindi din maitatatwa na
nailulunsad nila ang mga ganitong proyekto na layon ay makapagpasaya din sa mga
tao at makapag-relaks kahit papaano, magkaganun man ang pinakalayunin nila ay
maibahagi ang meron sila sa mga kapus-palad at wala na hindi umaasa ng kapalit.
(News Feature)
Walang komento:
Mag-post ng isang Komento